'n Ontleding van ekonomiese groei
Updated: 20 hours ago
In die 1960's en 70's het die land se ekonomie met 'n jaarlikse gemiddelde van 4,4% gegroei; in vergelyking met 'n wêreldgemiddelde van 4,5%. Ek klassifiseer dit as die tydperk voor die groot anti-apartheidsanksies en isolasie van die land begin het. Daar was sanksies, en daar was ekonomiese isolasie, wat 'n negatiewe impak op die land se groeivooruitsigte gehad het, maar dit was nie so oorweldigend soos in die 1980's nie.
Die jare 1962 tot 1967 was veral goeie jare vir ekonomiese groei in Suid-Afrika. Gedurende hierdie tydperk het die land se groeikoers beide die wêreld se mediaan en gemiddelde, sowel as die mediaan en gemiddelde oor die assesseringsperiode, oorskry.
